Katta poyga. Audi Lyanchiga qarshi (2024)
2024-yilning yanvarida ekranlarga chiqqan film 80-yillar ralli musobaqalarining ikki yulduzi — Lancia 037 va Audi Quattro o‘rtasidagi qizg‘in raqobat haqida hikoya qiladi. O‘sha davrda Audi o‘zining to‘liq uzatmali Quattro tizimi bilan dunyoni shiddat bilan zabt etayotgan bo‘lsa, Lancia klassik orqa g‘ildirakli uzatmadan qat’iy foydalanishda davom etardi. Tasvir, kutilganidek, “Ford Ferrari’ga qarshi” filmining g‘oyaviy davomchisi bo‘lib, voqealar rivojini xronologik tarzda ko‘rsatish bilan bir qatorda real mavjud bo‘lgan poygachilarning badiiy obrazlarini ham parallel ravishda ochib beradi.
Ford Ferrariga qarshi
2024-yilning yanvarida ekranlarga chiqqan film 80-yillar ralli musobaqasining ikki yulduzi — Lansia 037 va Audi Quattro o‘rtasidagi qizg‘in raqobat haqida hikoya qiladi. O‘sha davrda Audi o‘zining to‘liq uzatmali Quattro tizimi bilan dunyoni shiddat bilan zabt etayotgan bo‘lsa, Lansia klassik orqa g‘ildirakli uzatmadan qat’iy foydalanishda davom etardi. Tasvir, kutilganidek, “Ford Ferrariga qarshi” filmining g‘oyaviy davomchisi bo‘lib, voqealar rivojini xronologik tarzda ko‘rsatish bilan bir qatorda real mavjud bo‘lgan poygachilarning badiiy obrazlarini ham parallel ravishda ochib beradi.
Ferrari (2023)
Biografik drama voqealari dunyoning eng mashhur avtomobil siymolaridan biri — Enso Ferrarining taqdirini hal qiladigan qarori atrofida rivojlanadi. O‘g‘lining vafoti va o‘z avtomobil kompaniyasi ishlaridan g‘amga botgan Enso o‘sha vaqtlardagi Italiyaning asosiy musobaqasi bo‘lgan Mille Miglia’da jamoada ishtirok etishga harakat qiladi. Natijada tavakkal o‘zini oqlaydi va Scuderia Ferrari pilotlari nufuzli musobaqa podiumida uch o‘rinning barchasini egallaydi. Shunisi diqqatga sazovorki, rejissyor Maykl Mann Ferrari oilasi bilan shaxsan tanish. Shu tufayli ko‘pchilik sahnalarda o‘sha davrning eng nodir avtomobillarining haqiqiy kolleksion namunalaridan foydalangan.
Uddaburon bolakay (2017)
Musiqiy jihatlarga katta e’tibor qaratilgan sarguzasht-jangari film. Hikoya markazida talonchilik paytida ham sevimli musiqasidan ajralmaydigan va to‘dada “haydovchi” rolida bo‘lgan audiofil yigit turadi. Syujet haydashni “qiyib” yuboradigan ustomonning kundalik ishidan tortib sevgan qizining hayotini xavf ostiga qo‘ymagan holda to‘dadan chiqishga urinishiga qadar rivojlanadi. Buning uchun bosh qahramon so‘nggi va eng qiyin vazifani bajarishi kerak bo‘ladi. Film ta’qib, otishma va janrning boshqa xususiyatlarini aks ettiruvchi keskin sahnalarga sifatli musiqiy asarlarning a’lo darajada singdirib yuborilgani bilan e’tiborga loyiqdir.
Need for Speed: Tezlik ishtiyoqi (2014)
Gollivudning siyqasi chiqqan syujetli va iboralarga to‘la klassik “poyga-otishmalari”. Boshqa tomondan, so‘nggi o‘n yillik namunasidagi ko‘klarga ko‘tarilgan “Forsaj” filmidan farqli o‘laroq, ushbu kartina kadrda avtomobillar va poyga jarayonlarining ko‘pligi bilan ajralib turadi. Tomoshabinlarning “Need for Speed: Tezlik ishtiyoqi” filmiga qiziqishni oshirish uchun Electronic Arts — shu nomdagi poyga haqidagi kompyuter o‘yinlari brendi egasi ham bu loyihaga qo‘l urdi. Natijada badiiy jihatdan ajralib turmasa-da, yorqin tasvirlar va qiziqarli mashinalar bilan e’tiborni tortadigan ko‘ngilochar film yaratildi.
Gran Torino (2008)
Bosh qahramon — keksa, yolg‘iz va odamovi kishining sevimli Ford Gran Torino mashinasini o‘g‘irlayotgan ko‘cha jinoiy to‘dasiga qarshi chiqishi haqida hikoya qiladi. Syujet tomoshabinni personajning bezorilar bilan maishiy ixtilofi va o‘smirni qutqarishdan tortib haqiqiy ko‘cha jangigacha yetaklaydi. Hikoya davomida Koreya urushining odamovi faxriysi hayoti asta-sekin ochila boradi, ko‘plab qo‘shimcha sahnalar esa nafaqat antagonistlar bilan ziddiyatni, balki bosh qahramonning xarakterini ham yoritib beradi. Garchi filmning nomi va hatto posterdagi Ford Gran Torino tasviri ham asarning asosiy g‘oyasiga unchalik mos kelmasa-da, yaxshi jangari-drama.
Forsaj (2001)
Ko‘cha poygalari haqidagi dunyodagi eng mashhur brend shu bo‘lsa kerak. Bu holatda gap “forsajiada”ning birinchi qismi haqida emas, balki butun franshizaning o‘zi haqida ketmoqda. Agar tomoshabin franshiza seriyalari bilan tanish bo‘lmasa, u holda birinchi filmdan boshlagan ma’qul (shunchaki “Forsaj” deb ataluvchi qismi.) Aks holda, so‘nggi yillarda yaratilgan ijod mahsullari boshqalari bilan tanishish istagini yo‘qqa chiqarishi mumkin. To‘g‘ridan to‘g‘ri poygalar va “dahshat” mashinalar unda ancha kam, lekin ochiqdan ochiq bema’nilik hamda superqahramonlar haqidagi bolalar jangari filmlariga o‘xshash unsurlarga to‘la. Shunday bo‘lsa-da, “Forsaj”ning dastlabki uch-to‘rt qismi haqiqatan ham bu janrda sezilarli iz qoldirgan va avtomobil muxlislari ular bilan tanishib chiqishlari, shubhasiz, foydadan xoli bo‘lmaydi.
